Schinounen!

[Curà]

I würd mau meine, dass die beide super zämä wäre. Da sech dr Barney scho zimli gwandlet het, würds o passe.

[loeri]

nei, si isch e intra-saisonali affäre

[ricu]

i säge si wärde hürate. allerdings wirds nid lang hebe. ändi vode staffle scheide si sich wieder.

[loeri]

es git vilich no 4 folge, de geit i däm fau no zimli d poscht ab

[ricu]

wenns eine schafft i däre churze zit aus verbocke. denn de barney

[Curà]

Auso, da hüt die letschte beide Fouge vor Season 7 duss si, weiss me jetz o ändlech wär hüratet

Was meinet dir drzue?

[loeri]

es isch nid würklich klarer, u dr marshall isch huere schnäu nüechtern worde, was für ne machine

[Curà]

Naja klarer nid, aber scho wieder dr glich Cliffhanger jetz durets wieder bis zur nächschte Staffle, wobi me muess säge, dass die letschte paar Episodene ziemlech unregumässig erschiene si..

btw: letschti umfrageoption ftw

[ricu]

auso so schlächt bini gar nid gsi mitem barney. är hetsi zwar nid ghürate, aber verlobt ischer doch mitere gsi und si hei sich wieder trennt. no besser, är het no e anderi ghürate. und ihr heit mir usglachet wüli gseit han är hüratet und lad sich la scheide no i dere staffle.

[Curà]

Schad, dass me dämfau d'Quinn nüme wird gseh.. I dänke, dass äs jetz öppe 2 Seasons duuret bis dr Barney u d'Robin würklech hürate bzw. viellech laht ja öpper dr anger vorem Autar lah stah XD

Btw: Was isch öii Asicht zum Ted?
vo mir usgseh isch das ä Scumbag-Aktion u irgendwie ziemlech irrationau. Die ganz Ziit seit är wies isch (är hets ärläbt u wöu nid, dass dr vrlobt vo ihre das o muess) u när macht ärs glich => passt nid zum Ted

Jetz hani das ganze so gschriebe u mir faut i: Dr Ted isch genau äs so => Robin; die angeri vom College wone immer wieder betroge het (Name?); Trudy; d'Zimmergnossin vor Muetter; die wo vor Scoutingagentur für ihn bestimmt wär gsi...