Schinounen!

[Curà]

Dä Thread isch spezieu füre Löru dänkt, aber o für aui Intressierte vo Regionalem 2. u 4. Liga Schutte

Matchs vom 21.04.2012

FC Murten II - FC Courgevaux II 4:0 (0:0)
Wetter: Scheisse (Räge u Wind)
Schiri: für nüd
Emotione: Richtig aggressivs Derby
Gou
1:0 Janusz (mit userischt, dropkick us öppe 20m)
2:0 u 3:0 Adnan (2x vo links i Strafruum zoge u chönne druffhämmere)
4:0 Pauchi per Chopf
witeri Torchancene vom Dani (allei vorem Goali mitem Chopf), Sändu (allei im 16er öppis zwüsche Querpass u Schuss) u äs aberkannts Gou
Torchancene Gägner: 1x äs 1gäge1, brilliant abgwehrt vom Goali
Fazit: Ici c'est Morat! 5 Punkt Vorsprung uf Courgevaux (Letscht), 2 uf FC Beauregard u je nachdäm was Avenches hüt macht (momentan glichviu Punkt)

Wichtigi News no beträffend Palli: Nume 3 Spiusperri!
im nächschte Match isch jetz ono dr Flo gsperrt (4 Gäubi)

FC Murten I - FC Bas-Gibloux I 1:0 (0:0)
Wetter: Sintfluet, aber kei Wind
Schiri: merkwürdig
Emotione: nume bim Gägner
Gou
1:0 Roulin
witeri Torchancene: keine
Torchancene Gägner: keine
Fazit: Gääääähn! u äs het eifach nume gschiffet
Nice to know: Murte het nume dr Umbe (vrletzt Ersatzgoalie) uf dr Bank gha

Da d'Seniore o 1:0 gwunne hei, hei bishär aui aktivi Mannschafte keis Gägegou becho. Mau luege was d'Froue hüt Nami mache!

Dieser Beitrag wurde gesponsert von: FC Murten Infocenter

[loeri]

merci für z update!

[Curà]

ah, scho dänkt du luegschs nid a

derum hie no vom letschte wucheänd

Matchs vom 28./29. April 2012

FC Grolley I - FC Murten II 5:1 (2:0)
Wetter: vrdammt heiss
Schiri: 7/10
Emotione: Gägner aggressiv, da sie viu Offsides produziert hei (sicher öppe 20+)
Gou:
1:4 Jonathan nachemne Corner vo mir (da dezue später meh )

Fazit: I de erschte 20min hätt me chönne äs gou schiesse u de wärs wou chlei angers usecho, aber schüsch chancelos gäge 1.
Jetz zur interessantere Story: Dr Sändu u i si a däm Weekend ga häufe für d'Kaderprüefig dämentsprächend o ziemli uf dr Schnurre gsi am Sunnti Morge. Vorem Match (dr Umbe isch mitcho u aui rede vo ihm us Fäudspieler) chunnt dr Trainer zu mir u seit mir, dass i hüt nid Kaptän bi, wöu dä sött spiele. I dänke mir "Chill, freie Morge ". Nach 15min vom Match dräit sech dr Trainer zur Bank um (Sändu, Jonathan, Päscu u i) u fragt wär ine wöu, wöu mer jetz d'Chance heig für i Füehrig ga. Naja, irgendwie isch d'Wau uf mi gfaue u i ha sagehafti 70min us Stürmer gspiut. Ir erschte Hauptziit hani öppe kei Bau gseh oder chönne haute. Glich hani im ganze Match 3 wunderbari Päss is Loch gspiut u etlichi Freistöss useghout. Aber ehrlech, hätt nid dänkt, dass äs so asträngend wär vor auem weme nid so fit isch gsi im vornherein.

PS: Ändlech si d'Striche da u äs giit nume ei Abstieger us dr 4. Liga! Das schaffe mer

FC Gumefens/Sorens I - FC Murten I 3:1 (2:1)
hani nid gseh, weiss äs nume vo Schiudrige vom Yves u vom Präsi

Murte geit i Füehrig, bechunnt no 2 dummi Träffer vor de Pouse. Plus no ä roti Charte wäge Tätlechkeit. Äs sig ä ziemlich usglichene Match gsi. Gumefens isch o dr 1. vor Liga!

[Curà]

Matchs vom 05.05.2012

FC Murten II - FC Fribourg IIb 3:0 (1:0)
Wätter: Agnähm, aber nasse Rase
Schiri: Agnähm
Emotione: Gägner isch am vrzwifle gsi
Gou:
1-0 Sändu
2-0 Janusz
3-0 Pauchi
Witeri Szenene: Pauchi u Sändu schittere amne goalie wo scho am bode liegt, Jonathan us öppe 40m ad Latte, Pauchi a Pfoschte
Gägner: Latteschuss bi Stand vo 1:0, Pfoschtechopfbau

Fazit: Dank däm Sieg heimer Fribourg überhout u we jetz Courgevaux am Zischti vrlürt, heimer dr Klasseerhaut gschafft. Jetz 2 Uswärtsmatchs (Cottens, Schönbärg) u dr letscht am Sunnti 27. Mai (viellech wird är no ufe Samschtig vrschobe) deheim gäge Avenches. Stay tuned!

Näbebemerkig: Mir si sagehafti 11 Spieler gsi, mit 3,5 Seniore


FC Murten I - FC Richemond I 1:6 (1:2)
Wätter: Agnähm, ir Pouse Platzräge
Schiri: Blind, mit Linierichter wo kei Ahnig gha hei
Emotione: Murte isch eidütig am Bode gsi, Richmond im Ruusch
Gou:
1-2 Adrian

Bemerkig: Phippu wägem Burnout suspendiert (haubsiitige Artiku ir FN gsi), dr Roger u Giuseppe momentan d'Trainere.

[Curà]

Naja, so schlimm wie im Ahang isch de glich nid...

Mir hei btw "nume" 4-1 vrlore!

[loeri]

hehe. aber dir heit ou so di meischte gägegoal... 75 chischtene i 21 spiel?! omfg, da weiss me wo dr hebu asetze.