Schinounen!

auso, hie gits au paar mau wider e biitrag vo paignton. exklusiv natürlich.

hoffe chämisch guet an u bi gspannt ufe erscht biitrag

auso jungens, paignton, dritti tag nachenang sunneschiin, mini gaschtfamilie isch tiptop, dr 17jährig sohn isch chelseafan und d muet chochet seehr guet (jamie oliver, i owe you one). d schuel isch o cool, faht ersch am 9i ah (bi öich 10i ).

i ha scho es paar lüt kenne glehrt, aber muess luege das i de mau mit paarne es pintli cha go trinke. i mire klass, (7 lüt), hets e barcelonanonier, dr jordi. aber für mi isch er d francine.

auso, d schueu faht glii a, muess mi ufe wäg mache, cya u bau gits es update.

lgl

oha. lueg iz da. ha scho gmeint du sigsch nur no am bier trinke und chönsch gar nüm is internet. ja denn dänki mau wird hüt abe chelsea gäge barça gluegt. (GOO CHELSEA)

jou jungens,

bi geschter imene pub gsi y spiel go luege, mir hei dr ober stock gmietet gha fuer d schueu. dr barcatyp hets chuum choenne gloube . samschti inere wuche gan i uf torquay go letscht ligamatch vo t. united go luege, yeehaaa. u suesch gits no exkursione nach plymouth, bath, u hoffentlich ou cornwall. u bis itz het no a jedem tag d sunne gschune.

item giele, ke plan was i no soeu schribe, i verzeue de meh wenn i zrugg bi oder faus oepis extraordinaers passiert. es isch wie d amy mcdonald wuer singe es zimlichs ordinary life won i hie fuehre.

lulumastah of loeri

jungens, zwöits feeeedback vo paignton.

zwüschefazit nach fasch dr häufti: super sach hie! richtig gueti lüt kenne glehrt u i ha jede tag irgendöpis z tüe oder ga irgendwo häre. z highlight bis itz isch es ässe gsi bim jamie oliver sim restaurant in bath (es lohnt sich die stadt z google). süsch bin i no in brixham gsi und in plymouth, eini vo de meischt verbombte städt in ängland während ww2. drum hets dört nid so vili sehenswürdigkeite, drfür han i es paar legendäri t-shirts kouft (mit billigem humor). nächschte samschti gö mir id stehtribüne vo torquay utd. es isch z letschte saisonspiel u we si gwinne stige si wohl uf, anschiinend wird d hütte usverchouft sy, 4 höchschti liga at its best!

süsch gits nid so viel z säge, i ha mir es liibli vo ängland kouft (es het kes gha vo southampton) u zwüsche düre, wenn nüt louft, unds rägnet, lehr i no chli änglisch ^^

lgl u cya afangs mai